منو
سرو خرامان گئتدی!
کؤنلومو قیلدی سیه، اول مهِ تابان گئتدی
بیلمم، اول ماه گؤروب منده نه نقصان گئتدی؟
سایه وش دوشدو دالینجا فرحیندناورگیم
هر یانا ناز ایله اول سروِ خرامان گئتدی
طوطی وش آئینه حُسنونه اول شکرلب
قیلدی آخیر منی سرگشته و حئیران گئتدی
لشکرِ زولفونو جمع ائتمیش ایدی باشیندا
قیلدی آشفته منی، شهِ خوبان گئتدی
خانهٔ غمده منی دیدهٔ گریان ایله
قویدو یعقوب تک اول یوسیفِ کنعان گئتدی
آغلارام، وجهی بودور صبح و مساء بولبول تک
سالدی غم ایچره منی، اول گولِ خندان گئتدی
واحد اول ماه وشین حسرتینی چکمکدن
طاقت و تاب و توان، صبر دل و جان گئتدی