منو
بیلمه لییم من!
عاشیق اولالی زولفونه، ای گول، ده لییم من
اؤلدور منی، آسوده ائله، اؤلمه لییم من
زولفون کیمی آردینجا سوروننم، هارا گئتسن
هر یئرده دوشننم یئره، گویا خلییم من
مقصودون ا گر جانیمی آلماق ایسه، ظالیم
ناز ائیله‌مه، بیر کج نگه ین معطلییم من!
دونیا اوقدر عشوه لی دلبریئتیریبدیر
چوخ حُسنونه فخر ائتمه، دئمه، شیوه لییم من
گؤرسم کی، سالیر لعلِ لبِ یاریما مئیلین
بیگانه‌لرین قانینی سوررام، زه لییم من
هر کیم او قارا زولفه کؤنول وئرسه، خطادیر
آمّا یئنه من بندم، عجب، گولمه لییم من
بیلمم، نییه مه رولار اولور طالبِ اغیار؟
بوحکمتین آخیر سببین بیلمه لییم من
واحد، منه جؤر ائیلر او گول، غئیره محبت
بیلمیش کی، جفا چکمک اوچون صرفه لییم من