منو
هوشیار دولانسین
قویما گؤزلیم، کویونا اغیار دولانسین
انصاف می، گولزاری گلیب خار دولانسین؟
راضی دئییلم اؤزگه اولا محرمِوصلین
گولزار بهشتی نه یه کفار دولانسین؟!
کؤنلوم قوشو دایم دولانیر شؤقِ روخونله
البته گرک، کعبه نی زوار دولانسین
ا کراه ائله مه قامتینه زولف دولاشسا
سرو اوستونه، بو رسمدی، شاه مار دولانسین
رحم ائت، گونومو ائیله‌مه زولفون کیمی قارا
قویما اوزونه طرهٔ طرار دولانسین
سالدی منی پیوسته قاشین فکرینه، ظالیم!
دایم بئله قوی چرخِجفاکار دولانسین
مخمور گؤزون فیکری ائدیب عالمی بیهوش
واحد نئجه بو شؤق ایله هوشیار دولانسین؟