منو
قیامت اولور
قیاما گلسه قدّین، حشردن علامت اولور
زامانه اهلی ده یر بیر بیرینه، قیامت اولور
زکاتِ حُسنون ایله آل تصدق عاشیقدن
همیشه فیکر و خیال ائیله‌مه، وجاهت اولور
گدایِ کوُیونا ظلم ائتمه گی روا گؤرمه
جفانی ترک ائله، شاهلاردا کی، عدالت اولور
قیلیرسا عالمی رؤشن گؤی اوزره ماه، ولی
اوزون شعاعینی هر کیم گؤره، خجالت اولور
نه گؤیده شمس و قمر حُسنده اولور همتا
نه یئرده غنچه ده لعلین کیمی لطافت اولور
همیشه من سنه مئیل و محبت ائیله ییم
ولیک سندن، عزیزیم، منه عداوت اولور
بو بئش گونن عومرده طعنِ رقیبه دؤز، واحد
او کس کی، صبر ائده، بالله، باشی سلامت اولور