منو
بیچاره کؤنلومم
قیلدین اسیر طرهٔ طراره کؤنلومو
زنجیره باغلادین بو گونو قاره کؤنلومو
قیلدیم خطا، جمالینا بیر ائیلدم نظر
سالدین کمندِ زولفونه بیچاره کؤنلومو
آتدین همیشه سنگِ جفا شیشه کؤنلومه
سیندیردین، آلمادین اله یوز پاره کؤنلومو
سینه م برابرینده اؤلمدن که قورخمورام
ائیله نشانه بیر به بیر اوخلاره کؤنلومو
زولفون سالیب کمنده منی، دستگیر ائدیب
منصور تک گرکدی چکه داره کؤنلومو
قانیم تؤ کنده خنجر و تیرِ نیگاه ایله
بیرده دوباره یاره لمه یاره کؤنلومو(١)
عاشیقلر ایچره عشق بوساطینده واحدم
زولفون خیالی ائیله‌ییب آواره کؤنلومو
١مصرع بو شکلیده ده قئید اولموشدور:
ای گول، دوباره یارالاما یاره کؤنلومو.