منو
عفو قیل
قیلمیش اول مهوش اوزونه زولفِ پرچینین نقاب
چهرهٔ خورشیدی گویا گؤیده باسمیشدر سحاب
ای گون اوزلوم، عاریضین زولف ایچره گر گؤسترمهسن
ماه نو بس نوری هر شب قاندان ائیلر اکتساب؟
لعمه – لعمه نور پیدادیر اوزونده اول مهین
قطره – قطره چون تؤ کر لعلِ صدفدن دورّ ناب
گون اوزونله قارشی دوُرماز گؤیده خورشیدِ فلک
چون یئتر بیلمیش زواله، اولدور ائیلر اجتناب
گرچی اول غنچه لبه سوردوم دهانین سیرّینی
تنگ قیلدی کؤنلومو، تا وئرمهدی بیردم جاواب
تؤ کمه قانیم دلبرا، واریسه جؤرموم عفو قیل
شاهسان نولا، پیمبر خصلت اول، ائیله ثواب
ایستهمز واحد بهشت و کوثر و قیلمان و حور
یار ایله هم بزم اولوب، میخانه ده ایچسه شراب