شهریارایله!

کئچسه یدی خوش گونوم ا گر اول گولعذار ایله
اغیاره منت ائتمز ایدیم آه و زار ایله
من اول صفا کی، عارضِ جاناندا گؤرموشم
هر گز دگیشمرم انو یوز مین باهار ایله
بیلمز وصال قدرینی هر عاشیقم دئین
تا یانمایینجا درد و غمه انتظار ایله
معشوقه عاشیقیله تانینمیشدیر عالمه
قیمتله نیر قاش ایله اوزوک، زر عیار ایله
جانانه اؤز دیلیمله دئدیم، عاشیقم سنه
ذؤقوم سنینله دیر،نه ایشیم وار کنار ایله
دیوانه یم می من، یئنه زنجیره باغلانام؟
سالمیش کمنده عشق منی زولفِ یار ایله
کوی نیگاره لایقی یوخدور هر عاشیقین
من تاپمیشام بو کعبه یه یول اعتبار ایله
عشق اهلینی طبیعت اؤزو امتحان ائدیب
مجنونو درد هیجرایله، منصورو دار ایله
عالم بیزم دیاریمیزین حسرتین چکیر
بیز مهربانلیق ائیله ییرک هر دیار ایله
آهو باخیشلی آذربایجان گؤزللری
بیرباخ، چمنده سئیر ائله ییلر قاطار ایله
واحد، بو شعری تبریزه گؤندرمک ایسترم
قسمت اولمادی بیر گؤروشک شهریار ایله(١)

١شاعیر محمد حسین شهریاره اشاره دیر و غزل اونا یازیلمیشدیر.