منو
گوزوم اوسته
نازایله گلرکن قدمین قوی گوزوم اوسته
قویما قوری یئر اوستونه بیردن سوروشرسن
بیگانه ایله گزمه دئدیم قلبینه دگدی
جانا نه بیلیم سن بو قدر دگمه دوشرسن
اغیار یئتیر وصلینه اما منه دئیرسن
سن دوشمه بو خیاللارا اومسونماشیشرسن
بیر سالمادین ئوز عاشقینی یادینا ظالم
اغیاریله اما گئدیب هر گون ئوپوشرسن
ال چک دئمه ای دل منه زلفیندن او ماهین
بیر گون بو کمنده سن ئوزونده ایلیشرسن
رحم ایله مه‌دین واحده ظالم دیریلیکده
ئولدوکده مزاریمله گئدرسن گوروشرسن