وورما زولفه شانه نی!

قسمت ائت، یارب، منه دایم مئی و میخانه نی
خالی ائتمه مجلیسیمدن ساغر و پیمانه نی
کؤثرِ جنّت صفاتین وصف ائدیرسن عاشیقه
وئرمرم من کؤثره، زاهید، مئی و میخانه نی
الامان، مشاطه، آشفته ائدرسن عالمی
کؤنلومو قیلما پریشان، وورما زولفه شانه نی
هر سرِ مویوندا بند اولموش نئچه افتاده لر
قویما ده یسین بیرـ بیرینه بو نئچه دیوانه نی
نقطهٔ خالین گؤروب اول صفحهٔ رویوندا، کیم
ذ کر،زاهید تک ائدر، اول سبحهٔ صد دانه نی
آتشِ روخسارینی گؤردو کؤنول پروانه سی
گل دولانیم باشینا، یاندیرما بو پروانه نی
زاهید ایستر مسجیدی، من عارضِ دلداریمی
بولبول ایستر گولشنی، بایقوش سئور ویرانه نی
نقل ائدر واعظ بهشت و دوزخی کیم خلق اوچون
واحدا، آلما قولاغه یوز بئله افسانه نی