وئرمه سین!

قوی منه کویوندا یئر بیگانه آنجاق وئرمه سین
جان ساغ اولسون، سئوگیلیم، سن یاخشی اول، ساغ وئرمه سین
عاشیقین قانین ایچر یول تاپسا کم فرصت رقیب
ظالیمه وئرسین قوتورلیق، تانری دیرناق وئرمه سین
باغِ وصلیندن منی محروم ائدن ظالیم لره
طالعیندن ایسترم، بیر خیردا یارپاغ وئرمه سین
لاله روخلار حسرتی مین داغ چکمیش سینه مه
رحم ائدیب حق بیرده داغ اوستن منه داغ وئرمه سین
تورپاق دولسون چشمینه تورپاق ساتان نامردلرین
مرد اودورکی، دوشمنه جان وئرسه، تورپاق وئرمه سین
باده قدرین بیلمه ین نادانلارا بوندان سورا
سؤز وئریبدیر، پیرِ میخانه بیر اویماق وئرمه سین
روزی فیکرین چکمه، واحد، اعتقادین پاک قیل
خلق ائدن کس، نا اومید اولما، دولانماق وئرمه سین