منو
بویوک اوستاد!
سئوگیلیم، بولبوله اولسایدی گولون ایمدادی
بولبولون عالمی آغلاتمازایدی فریادی
عشق سئوداسینا،لایقلی دئییل هر عاشیق
درد، غم جکمگه گر اولماسا استعدادی
قوپا یوزلرجه بلا، قلبینه تأثیر ائتمز
هر کیمین عشق ایله محکم قورولوب بنیادی
گؤر نئجه حُسنده مغرور ایدی شیرین اؤزونه
داغ داشی چاپماغا مجبور ائله‌دی فرهادی
هانی رحمتلیک او مجنون کی، گئدیب دونیادن؟
بیزیک ایندی او بلالر چکه نین اؤولادی
حُسنِ لیلانی دا مجنون اؤزو اؤیرتدی بیزه
اهلِ عشقین اودور عالمده بؤیوک اوستادی
منی، واحد، بوقدر سئوگیلیم اینجیتمزایدی
یئره گیرسین، گؤروم، ای کاش، رقیبین آدی