سئوگیلیم، بیر بیلمه دین، سنسیز نه محنت چکمیشم
بی وجود اغیارلاردان چوخ اذیت چکمیشم
ذؤقِ وصلین خاطیره گلدیکجه، غمدن آغلارام
اؤزگه بیر جانانا سنسیز، سانما، حسرت چکمیشم
مه جمالین گؤرمگه بیگانه فرصت وئرمهدی
صبح اولونجا هر گئجه کویوندا نؤبت چکمیشم
بیوفالیق رسمینی ترک ائت، دئدیم، ترک ائتمه دین
سندن اؤترو یالواریب اغیاره منت چکمیشم
وصلِ یار اولماز میسّر هر بلاکش عاشیقه
من صداقتله بو یولدا چوخ مصیبت چکمیشم
نازنین لر وصلینه من نایل اولسام، حاقلییام
چونکی چوخ مه پارهلر عشقینده زحمت چکمیشم
اؤزگه نی دیندیردی، اؤز یاریم منی دیندیرمهدی
ایندی گؤر، واحد، خجالت دن نه ذلّت چکمیشم