منو
من ده دئدیم!
سئوگیلیم، زولفونه عنبر دئدیلر، من ده دئدیم
اوزونه ماهِ منوّر دئدیلر، من ده دئدیم
نئجه کافر دئییم اول گؤزلرینین مردومونه
فتنه اوستادینا کافر دئدیلر، من ده دئدیم
آز دئییلدیر منی ده عشقده مجنون ائله ین
سنی لیلایه برابر دئدیلر، من ده دئدیم
اذن وئر عاشیقین، ای گول، سنه ظالیم دئمه یه
رحم سیز دیر بو گؤزللر، دئدیلر، من ده دئدیم
باغِ جنتده جمالین کیمی اولماز، بیلیرم
لبینه چشمهٔ کوثر دئدیلر، من ده دئدیم
آفرین خلقته اولسون کی، گؤزللر یارادیب
نه قدر خلقته آفر دئدیلر، من ده دئدیم
ای زولیخایِ زامان، بیرجه سنین خاطرینه
یوسیفِ مصره پیمبر دئدیلر، من ده دئدیم
ائل ایچینده نه قدر گؤر منه تأثیر ائله‌دی
سئودیگیم شوخا، ستمگر دئدیلر، من ده دئدیم
غزل اوستادی فضولی لری وار اؤلکه میزین
واحدی اونلارا چا کر دئدیلر، من ده دئدیم