منو
سئومه ین اؤز یوردونو دیوانه دیر
سئوگیلیم، عشق اولماسا، وارلیق بوتون افسانه دیر
عشقدن محروم اولان انسانلیغا بیگانه دیر
سئوگیدیر، یالنیز محبتدیر حیاتین جؤهری
بیر کؤنول کی، عشق ذؤقون دویماسا، غمخانه دیر
من اسیرِ عشقییم اؤز خالقیمین، اؤرز یوردومون
سئومه ین اؤز خالقینی، اؤز یوردونو دیوانه دیر
قوی وطن دایم ایشیقلانسین گؤزل بیر شمع تک
کؤنلوم اول شمعین ضیاء سین سئیر ائدن پروانه دیر
نازنین، رعنا گؤزللردیر باخیرسان هر یانا
بس بو توپراق ایندی بیر جنّت دئییل، آیا،نه دیر؟
اؤلکه میزده گؤر نه‌لر وار، باشقا بیرعالمده ییک
هر چیچک بیر نازنین، هر غنچه بیر جانانه دیر
واحدم من، سئوگیلیم، مندن خیانت گؤرمه سین
شاعیرم، عشقیم ده اؤز قلبیم کیمی مردانه دیر