تانری محکمه دیر

سئوگیلیم، من سئون اول سنده اولان شوخ مه مه دیر
بیرده جوت قارا قاشلار، او اه ییلمیش قمه دیر
اینجیمه، هر سنی گؤردوکده فغانیم اوجالیر
بولبولم، گول کی گؤروندو، بو منه زومزومه دیر
غمِ جاناندان اؤزون حفظ ائدن عشق اهلی دئییل
یار اوچون عاشیق اودور، ذؤقو بلا و غمه دیر
سن ائدن ظلم لرین شاهیدی گؤز یاشیمدیر
بو جنایتلره تانری، گؤزلیم، محکمه دیر
دلبریم جامی توتا، سؤیله یه، آل، زهردیر ایچ
منیم اول جامه دیر عشقیم، نه کی، جامِ جمه دیر
واحدا، ا کرام ائله سم نا کسه، نامردم ا گر
کؤنلومون ذؤق و وفا رسمی فقط همدمه دیر