وئردی شمشیرِ قاشین، قتلیم اوچون فرمانی
سانکی محبوسینه سلطاندیر، ائدر دیوانی
حکم ائدیب زولفونه، جانان، ائده پابسته منی
کیم کی، مجنون اولا، زنجیره چکرلر آنی
طاقِ ابرولرینه ائیله ییرم سجده مدام
کویونو سجده گهیم ائیلهمیشم پنهانی
ا گدی بو چرخ منیم قامتیمی قاف کیمی
یئری وار، آهیم ائده غرق غمه، دونیانی
واحدا، اولدون، عجب، طرهٔ دلبرده اسیر
چونکی حاق بؤیله یازیب عاشیق اوچون طغرانی