موسیقی نین قیمتی!

مئیخانه مجلسینده گرک صحبت اولماسین
بیرکسده صحبت ایله مگه جرئت اولماسین!
صحبت خیلافدیر، دئمیرم، ترکین ائیله یین
مئی مجیلسینده، جهد ائله یین، غیبت اولماسین!
سرخوشلیق ایتمه، گؤزله مئیین احترامینی
سالما آیاغا باده نی، بی حرمت اولماسین!
مئی دن مراد و ذؤق و صفا آلماق ایسه گر
مئی تک بوساطه ذؤق یئتیر، نفرت اولماسین!
ایچدیکجه اهلِحالی ائدر هوشیار مئی
پشمرده لنمه، قابل اوتور، غفلت اولماسین
پیرِموغان او شخصه ائدیب باده نی حلال
ذاتینده، شبهه یوخ، کیم، اونون علت اولماسین!
سن آدم اول، ادبله مئی ایچ، اوُیما جنّته
کوثر، جهنمه! سنه قوی، قسمت اولماسین!
مئی دیر، خلاصه، روحه غذا، بیرده موسیقی
بونلاردان اؤزگه عالی گر ک نعمت اولماسین!
ظنیم خطا دئییل کی، دیسه م، موسیقی کیمی
صنعتلر ایچره اینجه گر ک صنعت اولماسین!
هر علمه قیمت اولدو ایگیرمنجی عصرده
بیریئرراولورمی، موسیقییه قیمت اولماسین؟!
واحید، او ملّت کی اونون موسیقیسی یوخ
باتسین دا یئرلی دیبلی، ائله ملّت اولماسین!