منو
آهو باخیش!
مئی دن می قیزارمیش، گؤزلیم، عارضِآلین؟
یا عکس سالیب ساغره خورشیدِ جمالین؟
چین ایله ختا چؤللرینی سالدی نظردن
مشکین ساچین، آهو باخیشین، هندوی خالین
سن حُسنده خورشیدِ فلکدن ده گؤزلسن
یااه یری قاشیندان نه یی آرتیقدی هلالین
بالمره کؤنولدن غمِهیجرانی اونوتدوم
لذّت وئریر عشق اهلینه گولزارِ وصالین
چوخ نازلی گؤزللر یئتیریبدیر قوجا دونیا
میندن بیری اولماز یئنه مانند و مثالین
یوخدور سنه بنزر، گؤزلیم، بیر گولِ رعنا
گول اوزلولرین توپلاسالار جمله ماحالین
واحد، یئنه مجنونوسان اول شوخون، ائشیتدیم
بیچاره، سنین ده یوخ ایمیش عقل و کمالین