وئرسین!

لبینین، باده نه شئی دیر کی، صفاسین وئرسین؟
اوزونون، گونده نه جرأت کی ضیاسین وئرسین!
اولماسا شربتِ لعلین دل مجروحوموزون
مئیده یوخدر او لیاقت کی، غذاسین وئرسین
اؤزگه معشوقه سینی ایسته مرم، حوری اولا
ربّیم هر عاشیقین اؤز ماه لقاسین وئرسین
مین بلا یار یولوندا منه چکدیردی رقیب
غئیری بیرسؤز نه دئییم، تانری بلاسین وئرسین!
فلکین جاهینا گؤز تیکسم ا گر، نامردم
عشق فیضی منه قوی فقر لباسین وئرسین
شور سالمیش چمنه بولبول ا گر عاشیقسه
بیر کره ناله مین عؤمرونده نواسین وئرسین
واحدی گوشهٔ میخانه ده دفن ائیله سه لر
مست اولانلار ائشیدیب، خئیر و دعاسین وئرسین