روحو اولسایدی اگر شانه لرین!

لبینه بنزه مه سیدی، مئیی میخانه لرین(١)
لاله رنگ اولماز ایدی چهره سی پیمانه لرین
اولماسایدی ا گر اول شمعِ جمالین شؤقو
بیری دوشمزدی یاخین، آتشه پروانه لرین
توپلا، زولفون کیمی، ییغ دؤره نه عاشق لرینی
قویما قالسین بئله اؤز باشینا دیوانه لرین
سمتِ میخانه یه نفرتله اوُزاق دان باخما
گَل یاخیندن نظر ائت ذؤقونا مستانه لرین
عاشقین دردینه بیر آز. یئنه. مئیدن دیر علاج
یوخسا کیم صبر قیلار جؤرینه بیگانه لرین؟!
اهل عشقین بو قدر کؤنلونی اینجیت مزایدی
روحی اولسایدی، بو زولف ایچره گزن شانه لرین
واحد،هئچ اولماسا، درد یاریدیر، عالمده یئنه
بیزه بیر رحم ائیله سه، میندن بیری جانانه لرین

١غزل عبدالخالق یوسیفین بیر غزلینه نظیره دیر.
عبدالخالقین غزلیدن بیر بیت:
باده کیفیتینی باده ایچندن خبر آل
یولو یوخدور بو حرمخانه یه بیگانه لرین