منو
هامی برابر دیر!
لبیندن عاشیقه اولسایدی استفاده یئری
قدحده قانه دؤنوب قالماز ایدی باده یئری
دیارِ عشقده، کؤنول، لاابالی قویما قدم
بو بارگاهه گئدرکن بیر اعتقاده یئری
ایراده سیزلره ئیر یوخدور عشق مولکونده
خوشا بیر عاشیقه وار اوندا بیر ایراده یئری
شراب مجلیسینه قویماین گلنده رقیب
دئییل بو گوشهٔ جنّت، حرامزاده یئری
سنین گؤزه للیگینین عاجیزم ایفاده سینه
ملکدن اؤزگه سنه تاپمادیم ایفاده یئری
تکّبر اهلینی عشق ایچره ایسته مز جانان
طریقِ عشقه، کؤنول، دایم افتاده یئری
دیارِ عشقده، واحد، هامی برابردیر
بیلینمز اوردا گدادایله شاهزاده یئری