چکیب کایناتی زنجیره!

لبین، روموزو اوچون، چوخ باخئلدی تفسیره
گَلنده شرحینه، دیل عاجیز اولدو تقریره
بهشتِ کویینه یول تاپسا ایدی، واعظ ا گر
اینان کی، عاشیقینی، باشلامازدی تکفیره
نه لیلی سن، گؤزلیم، قیلدین عالمی مجنون؟
ساچین خیالی چکیب کائناتی زنخیره
تؤ کنده ماهیم اوزه، زلفِ پرخمین گویا
گونش توتولدو، جاهان اولدی سر بسرتیره
بلایِ عشقه دوشن عاشیقه، علاج اولماز
اجل کی گَلدی، نه بیراحتیاج تدبیره(١)
قاشین خیالی چکیب عاشیقینی محرابه
قویاندا سجده یه باش، راست گَلدی شمشیره
نه واحده، نه ده کی، شرقییه وفا قیلدین
کی حؤرمت ایله مه دین، نه جوانه، نه پیره!(٢)

مصرع بو شکلیده ده قئید اولموشدور:
١اجل کی گَلدی، نه دیراحتیاج تدبیره!
٢بیرحؤرمت ایله مه دین، نه جوانه، نه پیره!