منو
کاباب اولدوم!
لبین شؤقویله، ای گول، مایلِ جامِ شراب اولدوم
اولوب مستِ مئیِ عشقین، عجب خانه خراب اولدوم!
دئییلدیم واقفِ آیاتِ قدرت، شاهیم، اوّلدن
بحمدالله، گؤروب خط و روخون اهلِ کتاب اولدوم
چکیب تیغین دمادم، تؤ کمه قانیم قهرایله، رحم ائت
یئتر بونجا، من اؤز قانیمله، ای ظالیم، خضاب اولدوم
نه اؤلدیم قورتاریم بیر دفعه لیک اندوهِ هیجریندن
نه ده بیر اؤیله جامِ وصلین ایله کامیاب اولدوم
دئییلدیم دردِ عشقینله مکدر کیم، بو روشن دیر
اودور غم کی، قارا زولفون غمیندن پیچ تاب اولدوم
گؤزوم یاشیله تسکین وئرمهدین بیر لحظه کویوندا
توتوشدوم آتش عشقینله یاندیم، دل کاباب اولدوم
یئتیشدم جنّتِ وصلینه اول حوری وشین، واحد
جهنم دن قورتاردیم، ائیله بیل، اهل صواب اولدوم