منو
چم خم ائلر
کیمده واردیر گؤزلیم سنده اولان جاذبه لر(١)
سنه دنیادا مگر، عاشیق اولان دا غم ائلر؟
بسدیر، اؤلدرمه یه جکسن گؤزلیم دونیانی
هر اوزو گویچک اولان دا بو قدر چم خم ائلر؟
انجیمه، گؤز یاشیم آخسا، سنی گؤردوکده گولوم
گول گوروندوکده بهار فصلی، بولود شبنم ائلر
ناز و غمزن، یئریشین، شوخ باخیشین عالمدیر
بیرده زلفون اوزه تؤ کسن، اودا بیر عالم ائلر!
حیئف سن، گزمه یاراشماز سنه، بیگانه ایله
او آچیب سرینی دونیایا سنی محر م ائلر
واحدم عؤمرومومن عشقله صرف ائیلهمیشم
عشق یا اؤلدورر آخیر منی، یا آدم ائلر
١مصرع بو شکلیده ده قئید اولموشدور:
کیمده واردور گؤزلیم سنده اولان شوخ مه مه لر