منو
یادگار اوچون!
کیم کی، رقیبه منت ائدیر وصلِ یار اوچون
بیر عندلیب دیر، سئوینیر نوباهار اوچون
ساقی، شرابیمیز قورتاریر، یاریدیر گئجه
بیر آز قناعت ائیله، صبوحِ خوُمار اوچون
گیزلینده وحشی لیکه مئی ایچمک حرام دیر
انسان کیمی حرام دئییل آشکار اوچون
چوخ درد وارکی، چاره تاپیبدیر طبیب لر
بیر چاره اولماییب الم انتظار اوچون
بیر قارا گؤزلو کؤنلومو ائمیش منیم اسیر
یورغون دوشن بیر اووچویا بنزر شیکار اوچون
عاجیز خطا قیلیرسا، عطایه اومیدی وار
هئچ یئرده یوخ خیلاص یولو ظلمکار اوچون
واحد، داریخما قوی، گؤزو چیخسین رقیبلرین
یاز یاخشی شعرلر وطنه یادگار اوچون