منو
خوشوم گلیر
کیم دئر کی، لعل نابینا کوثر دئییلمهییب؟
مهر جمالینا، مه انور دئییلمهییب؟
یوز دفعه ذکر اولونسا کلامین، خوشوم گلیر
هئچ بیر کلامه بونجا مکرر دئییلمهییب
اه یری قیلینج دئین چوخ اولوب کج هلالینا
مشگانلارین خدنگینه خنجر دئییلمهییب
هر کیم گؤروب، جمالینا مین آفرین دئییب
بیر ماهرویه بیر بئله آفر(١) دئییلمهییب
هجرینده چکدیگیم بو قدر آه و ناله لر
اول شوخ نازنینه، دییرلر، دئییلمهییب
میخانه لرده صحبت روئین چوخ ائشیتمیشیک
لعلین یانیندا بادهیه احمر دئییلمهییب
جانانه کیم دئمیشسه ده سیّاری(٢)، واحدی
اودلاردا طالعی یانان آذر(٣) دئییلمهییب
١آفرین. ٢شاعیر حسن سیّار. ٣شاعیر آذر.