بیلمه یه جکسن!

عشقین ائله سه عالمی قان، بیلمه یه جکسن(١)
یوز دفعه دئسه م، مطلبی قان، بیلمه یه جکسن!
باخ سینه مه، مین یاره ووروب تیرِ نگاهین
افسوس کی، ای قاشی کمان، بیلمه یه جکسن
آخر کی قوجالتدی منی، درِد غمِ عشقین
پیر اولماسان، ای تازه جاوان، بیلمه یه جکسن
بی مهرسن، عالمده، رُخِ آلینا حسرت
وئرسه م ا گر هیجرینده ده جان، بیلمه یه جکسن
مجنون کیمی زنجیرِ سرِ زولفونه باغلی
اولسام داخی رسوای جهان، بیلمه یه جکسن
توتسام، گؤزلیم، دامنینی، اینجیمه مندن
نئییلیم کی، دئسم، گتمه، دایان، بیلمه یه جکسن
کویوندا گؤزوم یاشینی یوز یول ستمیندن
ائتسه م اوزه، ای سرو. روان، بیلمه یه جکسن
سیرّ لبینی دلده نهان ساخلادیم ائلدن
فاش اولمایا بو رازِ نهان، بیلمه یه جکسن
شؤق دهنین واحدی محو ائیله سه هر گاه
اوندان یئنه بیر نام نشان، بیلمه یه جکسن

١مصرع بو شکلیده ده قئید اولموشدور:
عشقین ائله سه کؤنلومو قان، بیلمه یه جکسن