فرزانه لیکده دیر

عشقین تمام نشئه سی دیوانه لیکده دیر
میخانه نین ملاحتی مستانه لیکده دیر
جاهللرایله عارفین اولماز علاقه سی
حال اهلینین تکاملو فرزانه لیکده دیر
لعلین خیالی کؤنلومه دولسا عجب دئییل
گیزلین خزینه نین چوخو ویرانه لیکده دیر
یئتمز وفاسی آخیرا نامرد اولانلارین
شخصین بوتون دیانتی مردانه لیکده دیر
واحد، ا گرچه صنعته قیمت وئریرسه خلق
شعرین ده قدر قیمتی دوردانه لیکده دیر