منو
باخمام گوله سنسیز!
عشقین منی دؤندردی گولوم، بولبوله سنسیز
کؤنلوم توتولار، باخسام ا گر بیر گوله سنسیز
زولفون اوُجو گؤستردی منه عشق کمندین
دوشدیم یئنه مجنون کیمی دیلدن ـ دیله سنسیز
بیر گون اوزونون هیجری، بیر آی اولدی گؤزومده
زولفوندن ایراق دوندی گیجه م بیر ایله سنسیز(١)
لیلاسی ایچون دؤزمه‌دی بیر محنته مجنون
حاق عاشیقی یم، دؤزموشم هر مشکله سنسیز
هر عاشیقین اؤز یارینا دیر مئیلی، منیم ده
مئیلیم گوله یوخدور، هوسیم بولبوله سنسیز
گؤز یاشی ایله بسله دیگیم نخلِ اومیدیم
گلمه ز، گؤزلیم، مین گول آچا حاصیله سنسیز
سن گؤرسه ن ا گر واحدی رحمین گلر، ای گول
بیچاره ائدر آه و فغان بیر بئله سنسیز!
١بیت بو شکلیده ده قئید اولموشدور:
گؤردوم اوزونو، فیکیری بیر آی قالدی سریمده
گؤزلردن ایراق، دؤندو گئجه م بیر ایله سنسیز