منو
امان آی ملا
امان آی ملا بو شعرین اوخی معناسینا باخ
صرفینه-نحوینه-املاسینا-انشاسینا باخ
شعر یازماقلیقا هر چند که یوخدر هوسیم
دییرم شاعرم اولام چولقاسین اطرافی سسیم
لیک وار بیر نئچه سوزیازماقا ئوز اینتئرسیم
اوخی باشدان باشا سن گیزلی معماسینا باخ
دوشمه‌میشدر پاراپت سمتینه بیر یول گذرین
بئتمه‌میش اورداکی دلاّللارا بیر دم نظرین
ائل بوتون دلال اولوبدر یئنه یوخدر خبرین
بیرجه گل اونلارین ائتدیکلری سوداسینا باخ
یورولور ایشله یر آخشاما کیمی بیر عمله
دینجینی آلماقا بیردن که سالیر فرصت اله
گورجک اگلشیب هر سمتیده دلالدر حله
ایشچینین بیر یئر اوچون بوش قوری قولباسینا باخ
حله وار بیر نئچه سی دینجی قویوبدر آدینی
باشلی باشینا بوراخیب ائوده گوزه ل آروادینی
شبهه سیزدر دییه جک گورسه گوزه ل بیر قادینی
بیرجه بو مادمازیلین صورت و سیماسینا باخ
امان آی ملا بو شعرین اوخی معناسینا باخ