منو
آل جانیمی!
حئیف بیر بیلمه‌دین ای گول دل زاریمدا نه وار!
عشیقمین سیرّی نه دیر ائیله یه بیلمم اظهار
قانا دؤنموشاورگیم، آختاریر هر یئرده سنی
امتحان ائتمک اوچون، سینه می آچ، قلبیمی یار
قورخورام شانه ده یر کؤنلومه، زولفونده گزیر
عشق سرگشته سینه، قویما، توخونسون اغیار
ترله‌میش گول کیمی گؤردوم، سنی بیگانه ایله
خسته دیر کؤنلوم او گوندن، گؤزلیم لیل و نهار
عاشیقین گؤرمه سه، روخسارینی، باخماز چمنه
نقدر لاله و گول آچسا، مین ایل، اولسا باهار
ایلدیریم سرعتی وار تیرِ نیگاهیندا مگر؟
مایلِ عشقین اولان، حُسنونه باجدیقجا یانار
واحدم، ناز ایله گل بیر بئله اینجیتمه منی
نولا بیر دفعه لیک آل جانیمی، غمدن قوُرتار