منو
اؤزو بیلسین گرک
جوشدو مئی، بنزه ده لر، بلکه، لبِ یارا اونو
بو اؤیونمک لیگی تئز سالدی آیاقلارا اونو
گزدی الدن اله، آیینه ده چوخ فخر ائله‌دی
عاقبت عکسِ روخون سؤیکه‌دی دیوارا اونو
گول ده ائتمیشدی جمالینلا گؤزلیک بحثین
چکدی آخیردا او یونگول لوگو بازارا اونو
ای دئیین، عشقده پروانه محبت نه بیلر
بس نه مجبور ائله ییر یانماغا اودلارا اونو؟!
منی جانانیما حسرت قویانی ایسته‌میشم
طالع حسرت قویا اؤز سئودیگی دلدارا اونو
من دئسم، گزمه رقیب ایله، نه معناسی اونون؟
اؤزو بیلسین گرک اول دلبرِ مه پارا اونو
دئمه یین، عشقه دوشن عاشیقه اولماز چاره
اؤزو چوخ یاخشی بیلیر واحدِ بیچاره اونو