منو
آشیب باشیمدان!
جوش ائدیب سئیلِ غم، از بسکی، آشیب باشیمدان
اول کی، واقفدی، بیلر حالیمی گؤز یاشیمدان
بو تمنا ایله حسرت چکیرم پیوسته
کی، یئته سینه مه بیر تیر او کمان قاشیندان
ساقی سر مست قیلیب دیر بیر ایاق ایله منی
نولا هر ساعت آشارسا ایاقیم باشیمدان؟
تنِ سوزانمین ایستر کی، چکه تصویرین
دمبدم اود تؤ کولر خانهٔ نقاشیمدان
چشمِ مستین نولا قانیم تؤ کوب هر لحظه منیم
حذر ائتمه زمی عجب دیدهٔ خون پاشیمدان
طینتیم خاکِ محبت ایله تخمیر اولونوب
بیتر اُلفت گولو، اؤلسمده مزار داشیمدان
وحدا! مهر و وفا اوُمما بو مه رولاردان
خوب رولاردا وفا گؤرمه‌میشم یاشیمدان