اغیتسین

او جلاد قاشلارین قهر وزهیمی
قصد ائیلر جسمیمدن جانی داغیتسین
گوزون تالان سالار آذربایجانا.
دیلین ایستر آل عثمانی داغیتسین.
زلف شاهمار، مینا گردن معتدل،
زبرجد کلمه‌لی، مثال بلبل.
محبت اهلیسن، بیرجه دانیش، گول،
قوی سریمدن بو سودانی داغیتسین.
روحیمسن، جسمیمسن، نبضیم، حیاتیم،
زينتیم، زيوریم، آدیم، اثباتیم،
لسانیندان گلمه‌ینده باراتیم
نالم ایستر بو دنیانی داغیتسین.
عاشق علی‌عسکر دییر، آی قاشی کمان،
بئله مروت اولماز، آمان، الامان..!
هرکیم دوستدان دوستا قاندیرسا یامان.
طوفان آتسین، کرم کانی داغیتسین.