داغلار

بیر آی یاریم نوبهاردان کیچیبدی.
جار اولور کوکسوندن سئللرین، داغلار!
چالخانیر صونالار، چیغریشیر قازلار،
زمزم زمزمه‌لی گوللرین، داغلار!
ساری نردن توپ-تفنگین آتیلی،
قیسیر مورغوز شاه داغینا چاتیلی.
بیر املیگین مین تومنه ساتیلی،
خزل اولور ینه پوللارین، داغلار!
هانی من گوردوگوم قورغو، بساطلار؟
دردمندلر گورسه تئز باغیری چاتلار.
ملشمیر سورولر، کیشنه‌شمير آتلار،
نییه پریشاندی حاللارین، داغلار؟
هانی بو یایلاقدا یایلایان ائللر؟
گورنده گوزومدن جار اولدو سئللر...
سیر ایتمیر گوگسونده طرفه گوزه‌للر.
سانجیلمیر بوحاقاد گللرین، داغلار!
که‌پز، موروو، میشوو - بیرنچه داغ وار،
اوستونه نور یاغسین، آی دلی قوشقار!
یایین اورتاسیندا یاغدیریرسان قار،
صف چکمیر اوستوندن سردارین، داغلار!
ائله که، چن گلدی، قارالتدی قاشی،
دومانا غرق اولور داغلارین باشی،
دوشنده گرگ‌ ایله کلبین ساواشی،
اوزاق چکیر قیل و قاللارین داغلار!
حالييام ائللرین من جمله‌سیندن.
گئجه یاتماز بیر-بیرینین بحثیندن،
ایگید نعره‌سیندن، گله سسیندن
دگمه‌میش توکولور کاللارین، داغلار!
هانی مرد ایگیدلر، بوش قالیب یوردو،
سخاوتده ائلدار نورالن-نوردو.
ارکك کسیب، آغیر مجلس قوروردو،
شولن چکیلیردی ماللارین، داغلار!
حسن نه‌نه، حسن‌ بابا قوشادی،
خاچ‌بولاق یایلاغی خوش تماشادی.
عارسیز عاشق ائلسیز نییه یاشادی؟
ئولسون علی‌عسگرتك قوللارین داغلار!