نشانه‌سی

آی عارفلر، گلین سیزه سویله‌یيم
کسیلیب اوستومدن یار نشانه‌سی.
دوست اوزاق اولماقلا کونول یاد اولماز
ئولونجه قلبیمده وار نشانه‌سی.
نطفه‌دن پاك اولان ئوزو پاك اولار.
نامرددن توره‌ین، بیل ناپاك اولار،
عندلیب قان آغلار، باغری چاك اولار
گورسه گل اوستونده خار نشانه‌سی.
علی‌عسگرم غرق اولموشام بو غمه،
یوخسوللوغوم داغ چکیبدی سینمه.
ناکسن مخنثدن مطلب دیلمه.
یوخدور ناموس، غیرت، عار نشانه‌سی.