اولابیلمز

صراف یوز بزه‌سه سنگ سیاهی.
اوزدن مطلادی، لعل اولا بیلمز!
مگس فغان ائیلر زنبور صوتیله،
کئهی یوخ، فه‌مینده بال اولا بیلمز.
غافل اولما دیلیم، دوشمه هوسدن.
هرجائی سوزونن اینجیمه دوستدان.
موشلار پلنگ اولماز، تولکولر آصلان،
دانالار میداندا کال اولا بیلمز.
کونول، دوغرو یولدان گل اولما کنار،
اگری یولا گیدن بیرگون اوتانار،
بو بیر معمادی عارفلر قانار،
نادان بو علمدن حال اولا بیلمز.
اوستاد درین، کمال درین، سوز درین.
قویما سینم اوسته عشقین کوزلرین.
قابلیتسیز، معرفتسیز قیزلارین
یوزو بیر دردمند دول اولا بیلمز.
مدتدی حسرتم جمالین گورم،
مطلبیمی مرتضی‌دان دیله‌رم،
مخنثده سخا، ناکسده کرم،
نامردین جیبینده پول اولا بیلمز!
علی‌عسگرم جمع ائله‌رم دفتری،
مردلرین وصفیدی دیلیم ازبری؛
نخجوان خانلاری، شریل بگلری
سخادا سمنده قول اولا بیلمز.