آد اولماز

بو دنیانی من تجربه ائیله‌دیم:
نامرد کورپو سالسا اوندان آد اولماز
بیر مردنن آغی یئسن شیریندی،
یوز نامردنن شکر یئسن داد اولماز.
یادین اوغلو یاغلی آشا مهماندی،
دار گونونده باخارسان که، اوساندی.
دشمن گونو دشمنینله دشمندی.
یوز ایل کئچسه قوهوم سندن یاد اولماز،
علی‌عسگرین سوزون یئتیر نصابا،
صرف ایدنلر ثبت ائله‌سین کتابا؛
هئچ نامردین آدی گلمز حسابا،
مرد بیر اولور، اوندا ایکی آد اولماز