قوجا بختیم

نه سودا تاپمیسان، نه‌یه طالبسان،
هارادا قالیبسان، گل، قوجا بختیم!
یا مندن کوسوبسن یا قوجالیبسان.
بو سینیق کونلومو آل، قوجا بختیم!
چکیلیب پنهانا، دییر درده دوز،
جهنم اودوندان پیسدی طعنه سوز،
گوموشوم تونج اولوب، زر-ریبام دا بئز،
قلب چخیر آلدیغیم مال، قوجا بختیم!
ئوزوم عاشق اولدوم، اوغلوم گولله‌چی،
بیلدیم که، قالاجاق دولتین اوجو،
قیریلدی قویونوم، قالمادی کئچی،
ایندی‌ده ییخیلیب گه‌ل قوجا بختیم!
ماردان شیره چکیب، داشدان کئچردین،
دریالاردان لعل و گوهر سئچردین،
پروازلانیب قافدان-قافا اوچاردین
کئچن گونو یادا سال، قوجا بختیم.
تقدیر ایچون یاخشی دگیل بو عادت.
گاه گولدورور، گاه دا ویریر خجالت.
ایگیدلر آت ویرمیر، گؤزللر خلعت،
کسیلیب تنبکی، بال، قوجا بختیم!