بیر پارچا تورپاق قالمادی

بارماغین هر یانه قویدو الده بارماق قالمادی،
قارماغین هر یانه آتدی بیرجه قارماق قالمادی.

جؽرماغی‌ینان، ال آتیب حاقین اۆزون جؽرماقلادی،
دؽرناغی‌ینان تختی توتدو، سؽندی دؽرناق قالمادی.

کیم کی، ظنّ ائتدی یاراتمیش گویا آلچاق داغلاری،
تانری یئکسان ائیله‌دی یئرنن، بیر آلچاق قالمادی.

اؤیله کی، ایبلیس آیاغی دیدی بادو کوبه‌مه،
اسدی رۆزگار، سولدو باغلار، کولدا یارپاق قالمادی.

حاق آسیلدی، حاق توتولدو، حاق چکیلدی چارمیخا،
بیر اؤزوندن باشقا هئچ کس حاقّا اورتاق قالمادی.

اؤزلرین چؽلپاق ائدنلر حاقّا دون گئیدیردیلر،
چؽلپاق حقدن دون گئینلر لئیک چؽلپاق قالمادی.

ظالیم اوغلو پول آلیب، اول قدر تورپاق ساتدی کی،
هئچ اؤزون باسدیرماغا بیر پارچا تورپاق قالمادی.

حضرت عبّاسین الیندن دۆشدوگو بایراغینی،
کوبه‌ده قالدیردی پۆنهان یئرده بایراق قالمادی.