منو
من نه دئدیم کی؟
یوخدان گلنی وار ائله‌دیم، من نه دئدیم کی؟!
حاق اهلین اۆمودوار ائله‌دیم، من نه دئدیم کی؟!
مظلوملارا قان اوددوران آلچاقلاری بیر-بیر،
سؤز اودماغا وادار ائله‌دیم، من نه دئدیم کی؟!
خوفدان اگیلیب بۆت‌پرست اولموشلار اؤنونده،
قانسیز بۆتو اینکار ائله‌دیم، من نه دئدیم کی؟!
الله‌ی اونوتموشلارا خاطیرلادان اولدوم،
غافیللری هۆشیار ائله‌دیم، من نه دئدیم کی؟!
ترک ائیله‌دی شئیطان بو کؤنول مۆلکونو گئتدی،
حاقیملا یئرین دار ائله‌دیم، من نه دئدیم کی؟!
جان وئردی خودا، اما کی، عشق ایسته‌دی مندن،
یوخدور دئمگه عار ائله‌دیم، من نه دئدیم کی؟!
گؤردوم کی، پول اۆستونده بو دۆنیانی توتورلار،
دۆنیانی خبردار ائله‌دیم، من نه دئدیم کی؟!
حاقّین اؤزون آختاردیم اونون قبرینی تاپدیم،
آمّا سؤزون آشکار ائله‌دیم، من نه دئدیم کی؟!
پۆنهان، من عمل دفترینی شعره چئویردیم،
یعنی اونو تکرار ائله‌دیم، من نه دئدیم کی؟!
حاق اهلین اۆمودوار ائله‌دیم، من نه دئدیم کی؟!
مظلوملارا قان اوددوران آلچاقلاری بیر-بیر،
سؤز اودماغا وادار ائله‌دیم، من نه دئدیم کی؟!
خوفدان اگیلیب بۆت‌پرست اولموشلار اؤنونده،
قانسیز بۆتو اینکار ائله‌دیم، من نه دئدیم کی؟!
الله‌ی اونوتموشلارا خاطیرلادان اولدوم،
غافیللری هۆشیار ائله‌دیم، من نه دئدیم کی؟!
ترک ائیله‌دی شئیطان بو کؤنول مۆلکونو گئتدی،
حاقیملا یئرین دار ائله‌دیم، من نه دئدیم کی؟!
جان وئردی خودا، اما کی، عشق ایسته‌دی مندن،
یوخدور دئمگه عار ائله‌دیم، من نه دئدیم کی؟!
گؤردوم کی، پول اۆستونده بو دۆنیانی توتورلار،
دۆنیانی خبردار ائله‌دیم، من نه دئدیم کی؟!
حاقّین اؤزون آختاردیم اونون قبرینی تاپدیم،
آمّا سؤزون آشکار ائله‌دیم، من نه دئدیم کی؟!
پۆنهان، من عمل دفترینی شعره چئویردیم،
یعنی اونو تکرار ائله‌دیم، من نه دئدیم کی؟!