منو
ترپندی، یا ترپنمه‌دی؟
تیتره‌ییب یئر ترپننده بیلمیرم اینسانلارین،
شۆبهه‌لی ایمانلاری ترپندی، یا ترپنمه‌دی؟
هۆندور ائیواندان باخیب دؤوران منیمدیر سؤیله‌ین،
مأمورون ائیوانلاری ترپندی، یا ترپنمه‌دی؟
الله‌ین تورپاقلارین آج کندلی‌یه پولنان ساتان،
قولدارین اورمانلاری ترپندی، یا ترپنمه‌دی؟
هم ائوی، هم قلبی سؽنمیش بینوالارچون گؤرن،
دؤولتین ایمکانلاری ترپندی، یا ترپنمه‌دی؟
شاه حسین ایله یزیدی بیر توتان جاهیللرین،
شاه داماردا قانلاری ترپندی، یا ترپنمه‌دی؟
اؤزگه‌نین عۆنوانینا اؤز نسلینی یئرلشدیرن،
آج‌گؤزون عۆنوانلاری ترپندی، یا ترپنمه‌دی؟
دؤور-صابیردن بو یانه بیر عصر یاتمیشلارین،
لرزه‌دن یورغانلاری ترپندی، یا ترپنمه‌دی؟
جان گۆدن اوغلانلارین دهشتده ایکن اؤزلری،
اؤزگه‌لرچون جانلاری ترپندی، یا ترپنمه‌دی؟
پۆنهانین سؤزنن ووروب ترپتدیگی اینسانلارین،
سیزبیلن، ویجدانلاری ترپندی، یا ترپنمه‌دی؟
شۆبهه‌لی ایمانلاری ترپندی، یا ترپنمه‌دی؟
هۆندور ائیواندان باخیب دؤوران منیمدیر سؤیله‌ین،
مأمورون ائیوانلاری ترپندی، یا ترپنمه‌دی؟
الله‌ین تورپاقلارین آج کندلی‌یه پولنان ساتان،
قولدارین اورمانلاری ترپندی، یا ترپنمه‌دی؟
هم ائوی، هم قلبی سؽنمیش بینوالارچون گؤرن،
دؤولتین ایمکانلاری ترپندی، یا ترپنمه‌دی؟
شاه حسین ایله یزیدی بیر توتان جاهیللرین،
شاه داماردا قانلاری ترپندی، یا ترپنمه‌دی؟
اؤزگه‌نین عۆنوانینا اؤز نسلینی یئرلشدیرن،
آج‌گؤزون عۆنوانلاری ترپندی، یا ترپنمه‌دی؟
دؤور-صابیردن بو یانه بیر عصر یاتمیشلارین،
لرزه‌دن یورغانلاری ترپندی، یا ترپنمه‌دی؟
جان گۆدن اوغلانلارین دهشتده ایکن اؤزلری،
اؤزگه‌لرچون جانلاری ترپندی، یا ترپنمه‌دی؟
پۆنهانین سؤزنن ووروب ترپتدیگی اینسانلارین،
سیزبیلن، ویجدانلاری ترپندی، یا ترپنمه‌دی؟