آن - مین ایل

آنام اؤلدو!
سون نفس،
سون هؽچقیریق،
سون نیدا!
بیزه دئدی الوداع!
بیر ساعت اوّل
دویان،
حیسّ ائله‌ین
بیر اینسان
یاتاغیندا داش اولدو.
هئچلیگه دوغرو آخان
بیر آخینا قوشولدو.

آنامین اؤلوموندن
بیر آن کئچیب،
آنجاق او،
داش اولوب اینسان ایکن،
اؤز-اؤزونو دانیبدیر.
بیرجه آندا
او بیزدن
مین ایل آرالانیبدیر.
ائله بیل زامان بیزه
بو اؤلوملر،
اؤلوملر،
آرخاسیندان هئی گۆلور.
کیم دئییر کی، واخت -
زامان
ساعت ایله اؤلچولور؟!