منو
نه‌سنسه، اؤزون اول
سیز ای بیزدن سونرا شعره گلنلر،
بو چتین یوللاردا اوغورلار سیزه!
عشقینیز - گله‌جک.
یاشینیز - سحر.
قلبینیز ایشیقلی، فیکرینیز تزه!
مرد اولون!
مئیداندا دورون مرد کیمی،
اویمایین اؤتری شؤهرته، آدا.
بیزیم شعریمیزین دۆننی کیمی
بؤیوکدور، شانلیدیر ایستیقبالی دا!
احتیرام اولسا دا، هامی ازلدن،
"سلفین یولوندان من اوزاق!" - دئییر
دۆنن آتاسینا "اؤنه باخ!" - دئین
بو گۆن اؤولادینا "دالا باخ!" - دئییر.
بیز اؤز آتامیزا دئیردیک بیر واخت:
"اونوتما،
هر گۆنون اؤز حؤکمو وار ها!.."
ایندی اوغلوموزا دئییریک آنجاق،
"گل تزه نؽرخ قویما کؤهنه بازارا!"
ذؤقلر، دویغولار دگیشیر هر آن،
گلدیکجه، گئتدیکجه نسیللر بیر-بیر.
ازلدن بئله‌دیر، اؤولادلاریندان
آتالار همیشه گیلئگلنیبدیر:
"آی حضرات، بیر زمانه گلیبدیر،
آلا قارغا شوخ ترلانی به‌ینمز.
اوغوللار آتانی، قؽزلار آنانی،
گلینلر ده قاین‌آنانی به‌ینمز..."
آتامیز دئیردی بونو بیر زامان،
ایندی بیز دئییریک اؤولادیمیزا.
اوغول او کسدیر کی، کؤهنه کیتابدان
بو کؤهنه یازینی، بو فرقی پوزا!
آتا او کسدیر کی، دایانیب اؤنده
اؤولادین حیسّیله یاشایا بیلسین،
اؤولاد او کسدیر کی، چیینلرینده
آتانین دردینی داشی‌یا بیلسین.
سیز ای بیزدن سونرا شعره گلنلر،
بو چتین یوللاردا اوغورلار سیزه.
عشقینیز - گله‌جک،
یاشینیز سحر،
قلبینیز ایشیقلی،
حیسّینیز تزه!
قاچان تئز کؤهنه‌لر بو تزه‌لیکدن،
آنجاق بیر مطلبی دئمه‌لی‌یم من:
سازیمدا عیبه‌جر سسلر اویدوران
ساختا خاللار ووران جاوانلار دا وار.
اؤزگه‌نین هینینه، "قصر-سلیمان"،
اؤزونون قصرینه "هین" دئییر اونلار.
منیم بئله‌سینه بیرجه سؤزوم وار:
"یاد یئرین حالواسی چوخ شیرین اولار".
قاچیرسان، مین ایللیک عنعنه‌دن قاچ!
هر کسه بنزه‌مه، سن تزه یول آچ!
دئدیگین هر سؤزو دوی درین-درین.
حیاتدا گؤردوگون گئریلیکلرین
دئمه کی، هامی‌سی عنعنه‌دندیر!..
سن نیه آرخانی کؤهنه ساییرسان
قاچیب اؤز آتاندان بس بو ندندیر،
اؤزگه آتالاری یامسیلاییرسان؟
گۆلمه اؤز کؤکونه، عاییبدیر سنه!
اوت کؤکو اۆستونده بیتر، اونوتما،
کؤهنه دامغاسینی ووروب آتانا،
اؤزگه‌دن اؤزونه سن آتا توتما!
یادین کؤهنه‌سی ده دیلین ازبری،
عنعنه‌ن چینینه نیه یۆک اولدو؟
آنلایا بیلمیرم، نه واختدان بری
یادی یامسیلاماق یئنیلیک اولدو؟!
بۆتون کؤهنه‌لره: - "بو ندیر؟" - دئیه
گۆلسک، نه قازانار بوندان گله‌جک؟
وطن ده، میلّت ده کؤهنه‌دیر دئیه
بلکه تزه‌سینی آختارماق گرک؟
اوندا کیم دئیه‌جک، کیم، بیزه یاخشی؟
هر کؤهنه پیس دئییل، هر تزه یاخشی!
لئوه (L.N.Tolstoy) نه دئییرسن؟ او قوجا لوغمان،
اؤزگه بولاغیندان قطره ایچمه‌دی.
فؤوق-البشر اولدو، آنجاق هئچ زامان،
موژیک پالتارینی او دگیشمه‌دی!
"تزه یول!" - دئییب ده قؽشقیرمایین سیز،
صنعت عالمینده یول بیرمی، یۆزمو؟
اصل صنعتکاری یولسوز، جؽغیرسیز
هئچ گؤردونوزمو؟
یاز ایلهام دئیه‌نی، اۆرک دئیه‌نی،
یول اؤزو دولانیب تاپاجاق سنی،
قلبینی، بئینینی ناحق یورما سن!
آماندیر، اؤزوندن یول اویدورما سن!
یئنیلیک خطرینه یازماقدان ساکین!
ایلهامدیر یارادان صنعتی، شعری.
یاغماق خاطیرینه یاغان یاغیشین
نه باغا خئیری وار، نه داغا خئیری!
قلبینه، حیسّینه دایم آرخالان،
بیر ده... الوان سسلی ایللریمیزه.
کؤهنه سؤز دئمه‌میش ایلهام هئچ زامان
هر قلبین اؤز سؤزو تزه‌دیر بیزه!
نه‌سنسه، اؤزون اول!
تزه‌سن اوندا،
سن کؤهنه اولورسان یامسیلایاندا!
نه‌سنسه، اؤزون اول،
کؤکوندن یاپیش!
دۆننه آرخالان،
بو گۆندن یاپیش!
بو چتین یوللاردا اوغورلار سیزه!
عشقینیز - گله‌جک.
یاشینیز - سحر.
قلبینیز ایشیقلی، فیکرینیز تزه!
مرد اولون!
مئیداندا دورون مرد کیمی،
اویمایین اؤتری شؤهرته، آدا.
بیزیم شعریمیزین دۆننی کیمی
بؤیوکدور، شانلیدیر ایستیقبالی دا!
احتیرام اولسا دا، هامی ازلدن،
"سلفین یولوندان من اوزاق!" - دئییر
دۆنن آتاسینا "اؤنه باخ!" - دئین
بو گۆن اؤولادینا "دالا باخ!" - دئییر.
بیز اؤز آتامیزا دئیردیک بیر واخت:
"اونوتما،
هر گۆنون اؤز حؤکمو وار ها!.."
ایندی اوغلوموزا دئییریک آنجاق،
"گل تزه نؽرخ قویما کؤهنه بازارا!"
ذؤقلر، دویغولار دگیشیر هر آن،
گلدیکجه، گئتدیکجه نسیللر بیر-بیر.
ازلدن بئله‌دیر، اؤولادلاریندان
آتالار همیشه گیلئگلنیبدیر:
"آی حضرات، بیر زمانه گلیبدیر،
آلا قارغا شوخ ترلانی به‌ینمز.
اوغوللار آتانی، قؽزلار آنانی،
گلینلر ده قاین‌آنانی به‌ینمز..."
آتامیز دئیردی بونو بیر زامان،
ایندی بیز دئییریک اؤولادیمیزا.
اوغول او کسدیر کی، کؤهنه کیتابدان
بو کؤهنه یازینی، بو فرقی پوزا!
آتا او کسدیر کی، دایانیب اؤنده
اؤولادین حیسّیله یاشایا بیلسین،
اؤولاد او کسدیر کی، چیینلرینده
آتانین دردینی داشی‌یا بیلسین.
سیز ای بیزدن سونرا شعره گلنلر،
بو چتین یوللاردا اوغورلار سیزه.
عشقینیز - گله‌جک،
یاشینیز سحر،
قلبینیز ایشیقلی،
حیسّینیز تزه!
قاچان تئز کؤهنه‌لر بو تزه‌لیکدن،
آنجاق بیر مطلبی دئمه‌لی‌یم من:
سازیمدا عیبه‌جر سسلر اویدوران
ساختا خاللار ووران جاوانلار دا وار.
اؤزگه‌نین هینینه، "قصر-سلیمان"،
اؤزونون قصرینه "هین" دئییر اونلار.
منیم بئله‌سینه بیرجه سؤزوم وار:
"یاد یئرین حالواسی چوخ شیرین اولار".
قاچیرسان، مین ایللیک عنعنه‌دن قاچ!
هر کسه بنزه‌مه، سن تزه یول آچ!
دئدیگین هر سؤزو دوی درین-درین.
حیاتدا گؤردوگون گئریلیکلرین
دئمه کی، هامی‌سی عنعنه‌دندیر!..
سن نیه آرخانی کؤهنه ساییرسان
قاچیب اؤز آتاندان بس بو ندندیر،
اؤزگه آتالاری یامسیلاییرسان؟
گۆلمه اؤز کؤکونه، عاییبدیر سنه!
اوت کؤکو اۆستونده بیتر، اونوتما،
کؤهنه دامغاسینی ووروب آتانا،
اؤزگه‌دن اؤزونه سن آتا توتما!
یادین کؤهنه‌سی ده دیلین ازبری،
عنعنه‌ن چینینه نیه یۆک اولدو؟
آنلایا بیلمیرم، نه واختدان بری
یادی یامسیلاماق یئنیلیک اولدو؟!
بۆتون کؤهنه‌لره: - "بو ندیر؟" - دئیه
گۆلسک، نه قازانار بوندان گله‌جک؟
وطن ده، میلّت ده کؤهنه‌دیر دئیه
بلکه تزه‌سینی آختارماق گرک؟
اوندا کیم دئیه‌جک، کیم، بیزه یاخشی؟
هر کؤهنه پیس دئییل، هر تزه یاخشی!
لئوه (L.N.Tolstoy) نه دئییرسن؟ او قوجا لوغمان،
اؤزگه بولاغیندان قطره ایچمه‌دی.
فؤوق-البشر اولدو، آنجاق هئچ زامان،
موژیک پالتارینی او دگیشمه‌دی!
"تزه یول!" - دئییب ده قؽشقیرمایین سیز،
صنعت عالمینده یول بیرمی، یۆزمو؟
اصل صنعتکاری یولسوز، جؽغیرسیز
هئچ گؤردونوزمو؟
یاز ایلهام دئیه‌نی، اۆرک دئیه‌نی،
یول اؤزو دولانیب تاپاجاق سنی،
قلبینی، بئینینی ناحق یورما سن!
آماندیر، اؤزوندن یول اویدورما سن!
یئنیلیک خطرینه یازماقدان ساکین!
ایلهامدیر یارادان صنعتی، شعری.
یاغماق خاطیرینه یاغان یاغیشین
نه باغا خئیری وار، نه داغا خئیری!
قلبینه، حیسّینه دایم آرخالان،
بیر ده... الوان سسلی ایللریمیزه.
کؤهنه سؤز دئمه‌میش ایلهام هئچ زامان
هر قلبین اؤز سؤزو تزه‌دیر بیزه!
نه‌سنسه، اؤزون اول!
تزه‌سن اوندا،
سن کؤهنه اولورسان یامسیلایاندا!
نه‌سنسه، اؤزون اول،
کؤکوندن یاپیش!
دۆننه آرخالان،
بو گۆندن یاپیش!