منو
آذربایجان اوغلویام
آذربایجان اوغلویام،
اودو الله سانمیشام.
آنام تورپاق،
آتام اود،
من اوددان یارانمیشام:
اود کیمی ایستیقانلی،
سئل تک دلیقانلی‌یام.
حیات قدر قدیمم،
تورپاق قدر شانلی‌یام.
اود کیمی یاندیرانام.
سو کیمی سؤندورنم
منی یاندیرسالار دا،
سودا باتیرسالار دا،
یئنه منم، من منم!
کؤکوم اۆسته بیتمیشم،
شؤهرتیم وار،
شانیم وار.
منیم گله‌جکله ده
اؤز عهد-پئیمانیم وار.
آذربایجان اوغلویام،
آت بئلینده دوغولدوم؛
زامانین قازانیندا
نئچه دفعه داغ اولدوم.
منیم دامارلاریمدا
گور سئللر چاغلامیشدیر.
آنام جنگیلر اۆسته
منی قونداقلامیشدیر.
آذربایجان اوغلویام،
مین ایلدیر،
اؤز آدیمین
کئشیگینده دورموشام،
سیلاحیم اولمایاندا
نیفرتیمی باریت تک
قلبیمه دولدورموشام...
هۆنر گؤسترمه‌یینجه
آدسیز یاشامیشام من.
دده‌م قورقود آد وئردی
منه اؤز هۆنریمدن.
یولوما نور چیله‌ین،
قولوما قوّت وئرن
عشقیم،
اوستادیم اولدو؛
آدیم دوغدو هۆنردن
هۆنریم، آدیم اولدو.
آذربایجان اوغلویام،
یاشیم آدیمدان قدیم.
هئچ کسین تویوغونا
عؤمرومده "کیش" دئمه‌دیم.
کیمسه‌نین تورپاغیندا
گؤزوم یوخ؛ بیلسین عالم
تورپاغیمدان بیر چرک
کیمسه‌یه ده وئرمرم.
من بیر قدیم ماهنی‌یام
خاللاریم الوان-الوان.
موسیقیم - قاراباغدیر،
سؤزلریمسه - ناخچیوان.
بو تورپاقدا یارانمیش
کوروغلونون جنگی‌سی،
قؽراتین اۆزنگی‌سی!
اؤزومه وورولمادیم،
سئوینج ده گؤرموشم من،
سیتم ده،
درد ده، غم ده...
صابیرین گؤز یاشی‌یلا
اؤزومه گۆلموشم ده.
چنلی‌بئلدن دۆشه‌لی
جؽغیرلاری داغیدیب
گئنیش یوللار سالمیشام
چنلی‌بئلدن ده اوجا
داغلارا اوجالمیشام.
اوجالسام دا گۆن‌به‌گون،
دۆننکی سون زیروه‌مه
بو گۆن یئنه "آز" دئدیم.
تاریخین کؤلگه‌سینده
دالدالانان میلّتین
صاباحی اولماز دئدیم!..
نئیله‌یک کی... زامانین
اوغورسوز یوللاریندا
ایکییه بؤلونموشم.
ایکی باشلی، بیر قلبلی
بیر بدنه دؤنموشم.
هم تبریز، هم باکیدیر
مکّه‌م، مدینه‌م منیم.
پاسپورتسوز یاشار بو گۆن
ایکی وطنی اولان آذراوغلوم،
غافاریم، علیم، مدینه‌م منیم.
بالاش، بیز ایکیمیز ده
بیر آنانین اوغلویوق،
بیز کی، آذراوغلویوق.
هر ایکیمیز ازلدن
بیر آرزونون قولویوق.
ائلیمیز ده بیر بیزیم،
دیلیمیز ده بیر بیزیم.
وطنیمیز بیر بیزیم،
دۆننیمیز بیر بیزیم،
اولموشوق بیر وطنده
بیز بو گۆن باشقا-باشقا.
بیزیم طالعلریمیز
بس نئچون باشقا-باشقا؟
اؤز مسلکیم، اؤز عشقیم
دایم مندن اؤنده‌دیر.
آذربایجان بایراغی
باشیمین اۆستونده‌دیر!..
عقیده‌مین، عشقیمین،
قانیمین رنگی بایراق،
بۆتون آرزولاریمین،
قؽزیل چلنگی بایراق.
هر شئیدن بو دۆنیادا
شرف اوجا شان اوجا،
زامانین یوللاریندا
من کی، سنی توتموشام،
دایم باشیمدان اوجا!
اودو الله سانمیشام.
آنام تورپاق،
آتام اود،
من اوددان یارانمیشام:
اود کیمی ایستیقانلی،
سئل تک دلیقانلی‌یام.
حیات قدر قدیمم،
تورپاق قدر شانلی‌یام.
اود کیمی یاندیرانام.
سو کیمی سؤندورنم
منی یاندیرسالار دا،
سودا باتیرسالار دا،
یئنه منم، من منم!
کؤکوم اۆسته بیتمیشم،
شؤهرتیم وار،
شانیم وار.
منیم گله‌جکله ده
اؤز عهد-پئیمانیم وار.
آذربایجان اوغلویام،
آت بئلینده دوغولدوم؛
زامانین قازانیندا
نئچه دفعه داغ اولدوم.
منیم دامارلاریمدا
گور سئللر چاغلامیشدیر.
آنام جنگیلر اۆسته
منی قونداقلامیشدیر.
آذربایجان اوغلویام،
مین ایلدیر،
اؤز آدیمین
کئشیگینده دورموشام،
سیلاحیم اولمایاندا
نیفرتیمی باریت تک
قلبیمه دولدورموشام...
هۆنر گؤسترمه‌یینجه
آدسیز یاشامیشام من.
دده‌م قورقود آد وئردی
منه اؤز هۆنریمدن.
یولوما نور چیله‌ین،
قولوما قوّت وئرن
عشقیم،
اوستادیم اولدو؛
آدیم دوغدو هۆنردن
هۆنریم، آدیم اولدو.
آذربایجان اوغلویام،
یاشیم آدیمدان قدیم.
هئچ کسین تویوغونا
عؤمرومده "کیش" دئمه‌دیم.
کیمسه‌نین تورپاغیندا
گؤزوم یوخ؛ بیلسین عالم
تورپاغیمدان بیر چرک
کیمسه‌یه ده وئرمرم.
من بیر قدیم ماهنی‌یام
خاللاریم الوان-الوان.
موسیقیم - قاراباغدیر،
سؤزلریمسه - ناخچیوان.
بو تورپاقدا یارانمیش
کوروغلونون جنگی‌سی،
قؽراتین اۆزنگی‌سی!
اؤزومه وورولمادیم،
سئوینج ده گؤرموشم من،
سیتم ده،
درد ده، غم ده...
صابیرین گؤز یاشی‌یلا
اؤزومه گۆلموشم ده.
چنلی‌بئلدن دۆشه‌لی
جؽغیرلاری داغیدیب
گئنیش یوللار سالمیشام
چنلی‌بئلدن ده اوجا
داغلارا اوجالمیشام.
اوجالسام دا گۆن‌به‌گون،
دۆننکی سون زیروه‌مه
بو گۆن یئنه "آز" دئدیم.
تاریخین کؤلگه‌سینده
دالدالانان میلّتین
صاباحی اولماز دئدیم!..
نئیله‌یک کی... زامانین
اوغورسوز یوللاریندا
ایکییه بؤلونموشم.
ایکی باشلی، بیر قلبلی
بیر بدنه دؤنموشم.
هم تبریز، هم باکیدیر
مکّه‌م، مدینه‌م منیم.
پاسپورتسوز یاشار بو گۆن
ایکی وطنی اولان آذراوغلوم،
غافاریم، علیم، مدینه‌م منیم.
بالاش، بیز ایکیمیز ده
بیر آنانین اوغلویوق،
بیز کی، آذراوغلویوق.
هر ایکیمیز ازلدن
بیر آرزونون قولویوق.
ائلیمیز ده بیر بیزیم،
دیلیمیز ده بیر بیزیم.
وطنیمیز بیر بیزیم،
دۆننیمیز بیر بیزیم،
اولموشوق بیر وطنده
بیز بو گۆن باشقا-باشقا.
بیزیم طالعلریمیز
بس نئچون باشقا-باشقا؟
اؤز مسلکیم، اؤز عشقیم
دایم مندن اؤنده‌دیر.
آذربایجان بایراغی
باشیمین اۆستونده‌دیر!..
عقیده‌مین، عشقیمین،
قانیمین رنگی بایراق،
بۆتون آرزولاریمین،
قؽزیل چلنگی بایراق.
هر شئیدن بو دۆنیادا
شرف اوجا شان اوجا،
زامانین یوللاریندا
من کی، سنی توتموشام،
دایم باشیمدان اوجا!