"کوللو کوخا " پووئستینین
مۆلّیفی عیسی هۆسئینووا
آی منیم ایلک بئشیگیم،
ایلک نفسیم، ایلک سؤزوم،
ایلک گئجهم، ایلک گۆندوزوم.
کؤنلومون بو حیاتلا
ایلک بؤیوک قافیهسی -
آی بابامین دیئسی!..
سندن الیم چؽخالی
ایستهمیشم همیشه
سنی دویغولاریمین
بستهسینده گیزلهییم.
سن ای منیم ان عۆلوی
صافلیغیم، تمیزلیگیم!
منیم دویغولاریمین
ان نغمهلی، ان حزین
پردهسینده دورموسان.
توز کیمی سپهلنمیش
کؤورک خاطیرهلردن
بیر آشییان قورموسان.
سن شعریمین ایلک سؤزو،
ایلهامیمین مایاسی،
بابامین بئلی کیمی
داش-دیواری اگیلمیش
آی آتامین کوماسی!..
اوچوق باریلاریندا
کرپیجلرین قوم کیمی.
گؤیرن وحشی گۆللر
چؽغیران آرزوم کیمی...
نئجه بئلینی بۆکدو،
اوجاغینی قارالتدی
آمانسیز زامان سنین.
یئددی اوغول چؽخاردی
بیر واخت قاپیندان سنین.
اگیلسن ده،
دورورسان
یئنه ده اؤز یئرینده.
اوچانلار قاییتمادی
آی بابامین کوماسی،
الین بیزه چاتمادی.
سنه سلام وئرن یوخ.
نه گلن، نه گئدن وار.
ایندی اوچوق قاپینی
تؽققیلدادار یاغیشلار.
شهرلره اوچالی
بهینمهدیک بیز سنی.
قویموشوق یالقیز سنی،
آی بابامین کوماسی –
منیم ایلک ناغیللاریم،
مئشهلرده قورتاران
آی منیم ایلک یوللاریم،
کؤلگهسی بنؤوشهلی،
آی بؤیورتکن کوللاریم،
هر درهدن، تپهدن
منیم دسته توتدوغوم
آل-الوان چیچکلریم،
لامپانین دؤورهسینده
اوچان کپنکلریم،
هارداسینیز،
سیز هاردا؟
اۆرگیمه کؤچدونوز.
سیز ایندی یاشارسینیز
چؽغیران دویغولاردا...
آی رفلری کاسالی،
آی تاخچالی، بوخچالی،
آی باغلی،
آی باغچالی،
قوشا پنجرهلرده
پردهلری ساچاقلی
بوخاریلی،
اوجاقلی،
آلاجا کومام منیم،
بالاجا کومام منیم.
تمیز دویغولارییلا
اۆرگیمی، حیسّیمی
گۆنده بیر بوی اوجالدان
آی اوجا کومام منیم.
سن وئرمیسن،
سن دئدیم
بو عؤمور یوللاریمدا
آغیر دویغولاریمدان
داشیدیغیم یۆکو سن.
بئشینجی مرتبهده
یاشاسام دا ایندی من
ائویمین ده کؤکوسن،
شعریمین ده کؤکوسن!..