پاییز قاپیمیزی دؤیسه ده دوستوم،
باهارا نه قالدی؟ بیرجه قؽش عؤمرو.
پاییزین دردینی چکمه، بیلیرسن –
گلیب کئچهجکدیر قار-یاغیش عؤمرو.
آغارمیش ساچیما سن باخما بئله،
یازدا چؽچکلنر آرمود آغاجی.
بیلیرسن طبیعت اؤز اللریله
باشیما قویموشدور بیر گۆموش تاجی.
یازدا قار آلتیندا بنؤوشه چؽخار،
قلبیمده بنؤوشه هاواسی واردیر.
ساچیمین قلبیمله فرقینی آختار،
قؽش ایله باهارین داعواسی واردیر...
پاییز گلیب کئچسه، قؽش دا کئچهجک،
تزه دون گئیهجک چمن ده، دۆز ده.
دئمه، قاپیمیزی شاختا دؤیهجک،
قارشیدا باهاردیر، باهاری گؤزله.
بؤلمه عؤمروموزو فصیللره سن،
بیر فصیل اؤتدومو گلهجک بیری.
دۆشون نه وئرمیسن بو ایللره سن،
سنه نه وئرمیشدی عؤمرون ایللری.
۲۰۰۱