انسان اوغلو بوگون ساغسان خوش دانیش
صاباح عؤمرون بیتر دیل اله دوشمز
جاوانلیق بیر گولدور آچار باهاردا
قیش زامانی گلسه گول اله دوشمز
شیرین دانیش کؤنوللری ائیله شاد
اونوتما دوستلاری هردن ائیله یاد
تک دولانما قوش اوچانماز تک قاناد
قیرما قول - قانادین ایل اله دوشمز
وار گوجونله خلقه ائیله خدمتی
حقه عبادتین بودور حکمتی
حؤرمت ائله الدن وئرمه فرصتی
دوشگون آتا-آنا بیل اله دوشمز
حقیقی انسانلار وفالی دیللر
حقی گیزلتمزلر بیرگون دئیهرلر
دولانسا دؤورهلر توکنسه ایللر
دده کاتب کیمی قول اله دوشمز.