دهلی کونول ادبسیزدن اوزاق اول
اونا یولداش اولسان ایشین یاش اولو
گئیین ادب لباسینی اوز آغ اول
اؤرتر عیبلرین پردهپوش اولو
باشاباش ادبدیر معنی قورآن
ادبسیز هر نهدن چیلپاقدی عریان
سلطان اولسا انسان اولماز بیل، اینان
باجاردیقجا دیندیرمهسن خوش اولو
عاقل انسان حقه سائل به دردیر
ادبسیزدن کؤنول دولو کدردیر
ادبسیزه اؤیود وئرمک هدردیر
چوخ دیندیرسن ادبسیزلیک بئش اولو
دده کاتب گولستانین سولماسین
مولا سنی نظریندن سالماسین
ادبسیزدن انتظارین اولماسین
خر آریدان نوش ایستهسن نیش اولو.