بیری‌سین

قادر آللاه اوچ دوگونه دوچارام
چوخ چتین‌دیر آچا بیلمم بیریسین
هئچ بیریندن قاچا بیلمم ناچارام
آییرانمام بیر- بیریندن بیریسین
یول باغلی‌دیر نه ميدانیم نه صفیم
یوکوم دوردی خالی دگیل صدفیم
بیر آللا‌ه‌دیر بیرده اوچ‌دور هدفیم
بیری قاف‌دیر بیری میم‌دیر بیری سین
کؤنلوم قان‌دیر باغریم باشی داغلی‌دیر
آزاد دانیشانمام دیلیم باغلی‌دیر
اوچ سوچوم وار بیر - بیریندن یاغلی‌دیر
بیری عین و بیر حئی‌دی بیری سین
دده‌کاتب نه وقت درددن قورتوللام
قفس سینار آزاد اولوب آتیللام
چوخ دا دینسم اوچ تهمته توتوللام
بیری جیم‌دیر بیری دال‌دیر بیری سین.